Fasching 1947 in Marschendorf IV.

Der alte Brauhofsaal

Do ale Brehofsool

von Olga Renner

Du lievo alo Brehofsool, vo dir will ich dozahla
du host uns monche Fred gemacht, dos kon ich ne verhela
Mit ollem host du uns erfreut, mit Kino on Theater
Zo dir do kouma oft die Leit sogor am grista Wato
on erscht wenn dann do Fasching kom, do wors mochmol a graus.
Do rechte nej die Semote für die Bälle aus,
do gob es a su monche Streit zwescha a Vereina
denn jedo wullte ei da Zeit immer do erschte sein.
A su ej Vereinsball wor a immer schien
drum touta a jedo gern ei die Bälle giehn.
Do wur halt immer dekoriert on allerhand wur viergeschiert.
On wenn a dann eim Licht tout glänza
geschmeckt übroll mit Bändan ond Kränza
dann nom ei Empfang er seine Gäste.
Die soußa dann secho bis murcha frühfeste
on touta techtig ihr Tanzbejn schwenga.
A lostiche Liedo hurt ma senga
die Maschdrofo Musich ließ sich a ne schmeißa,
sie tout immr feste eis Zeig nei reißa
wult-s a nocho om Murcha ne recht giehn,
a doppelter Litter Biertout a wieder ziehn.
On moncher hot bei dir sich geplockt
on hots zu am recht techtigha Brande gebrocht.
Kurz um s-wor schien, mir sahns ju ei,
doch jetzt ist-s vorüber s-is olles vorbei.
Do ale Brehof is ougebrannt, die Leit alle furt
Mir sein ok weto hauflweise do of jedom Urt
Jetzt tanzt kej Hons mit do Grete
denn mir pou Deitscha houn weto ne a Trompete.
Für ons hots a jetzt wetto kenn Ball,
drum mach mo dohejme a besla Kravall
Es mocht au nischt aus wenns jetzt a vobei
noch jedem Dezember kommt wiedo a Mai.